میرا جی کو مینٹل ہسپتال سے رہا کردیا گیا

 میرا جی کو مینٹل ہسپتال سے رہا کردیا گیا ، کیپٹن نوید نے ان کی ضمانت کے لئے 50،000 ڈالر ادا کیے

پاکستانی شوبز اسٹار میرا کو مبینہ طور پر مینٹل اسپتال سے رہا کردیا گیا ہے اور 48 گھنٹوں کے اندر امریکہ چھوڑنے کا حکم دیا گیا ہے۔

اطلاعات کے مطابق ، باجی اسٹار کے شوہر کیپٹن نوید نے جمعرات کو ان کی ضمانت کے لئے 50،000 ڈالر ادا کیے ۔ میرا کو امریکی ڈاکٹروں نے مشورہ دیا ہے کہ وہ پاکستان میں اپنا ذہنی علاج جاری رکھیں۔

کیپٹن نوید کے والد نے بھی مبینہ طور پر کہا تھا کہ میرا کو ہنگامی بنیادوں پر پاکستان بھیجا جائے گا۔

یہاں یہ بات واضح رہے کہ میرا کی والدہ شفقت زہرہ بخاری نے بتایا ہے کہ 3 اپریل کو میرا نے گھبراتے ہوئے امریکہ سے فون کیا اور بتایا کہ انہیں مینٹل ہاسپٹل میں داخل کرایا گیا ہے۔

میرا کی والدہ نے مزید کہا کہ وہ نہیں جانتی ہیں کہ کس نے انکی بیٹی کو مینٹل ہاسپٹل میں بھیجا ہے انہوں نے مزید کہا کہ بہت سارے لوگ ہیں جو اس کے خلاف سازشیں کررہے ہیں۔

اداکارہ کی والدہ نے وزیر اعظم عمران خان سے اپنی بیٹی کو وطن واپس لانے کی اپیل کی ۔

تاہم ، اس سے قبل میرا نے اپنی ذہنی صحت کے بارے میں گردش کرنے والی افواہوں کی تردید کی تھی اور کہا تھا کہ لوگوں کو چاہئے کہ وہ ان کے بارے میں ایسی افواہوں کو پھیلانے سے گریز کریں۔