ووٹ کاسٹ کرتے وقت آصف زرداری کا بیلٹ پیپر کیوں ضائع ہوا
سابق صدر پاکستان آصف علی زرداری کو مبینہ طور پر آج سینیٹ انتخابات میں ووٹ ڈالنے کے دوران مشکلات کا سامنا کرنا پڑا۔
تفصیلات کے مطابق ، پاکستان پیپلز پارٹی (پی پی پی) کے شریک چیئر پرسن آصف زرداری کا بیلٹ پیپر ہاتھ لرزنےکی وجہ سےپھٹ کر ضائع ہوا ، تاہم ، اسے ریٹرننگ آفیسر نے دوبارہ جاری کیا جس کے بعد وہ اپنا ووٹ کاسٹ کرنے میں کامیاب ہوگئے۔
آصف علی زرداری نے بوتھ پر جاکر ووٹ ڈالنےکی کوشش کی لیکن بیلٹ پیپر ہاتھ لرزنے کی وجہ سے ضائع ہوگیا۔
پھر زرداری نے ریٹرننگ آفیسر سے دوبارہ بیلٹ پیپر جاری کرنے کی درخواست کی ، جسے قبول کرلیا گیا۔
اس سے قبل آج پیپلز پارٹی کے چیئرمین بلاول بھٹو زرداری نے پاکستان تحریک انصاف (پی ٹی آئی) پر تنقید کرتے ہوئے کہا تھا کہ جس پارٹی کو امیدوار مل گیا تھا وہ انتخابات سے ایک دن پہلے نا اہل قرار پائی ہے۔ چیئرمین پی پی پی نے مزید کہا کہ جو حکومت انتخابات میں آسانی سے جیتنے کے لئے سوچ رہی تھی وہ اب پریشان ہے کہ اسے گھر بھیج دیا جائے گا۔
انہوں نے کہا کہ قوم پر یہ انکشاف ہوا ہے کہ موجودہ کٹھ پتلی حکومت کے اپنے ممبر اس سے خوفزدہ ہیں۔ بلاول بھٹو نے اس کے علاوہ یہ بھی کہا کہ اپوزیشن موجودہ حکمرانوں کو بے دخل کردے گی جنہوں نے ملک کی معیشت کو تباہ کیا ہے۔